Segretezza Personali

SEGRETEZZA PERSONALI
Nixtiequ nirringrazzjawkom talli żortu s-sit tal-Kunsill Lokali tal-Fontana u li rajtu d-dikjarazzjoni personali u ta’ segurta’ tagħna. Il-Kunsill Lokali tal-Fontana jikkommetti ruħu li jipproteġi l-privatezza ta’ l-informazzjoni personali tagħkom u s-sigurta’ tas-sistema kompjuterizzata tagħna. Kwalunkwe informazzjoni personali li intom tikkomunikaw lilna tinżamm fi ħdan www.fontana.gov.mt innifsu skond l-att dwar il- Protezzjoni u l-Privatezza tad-Data 2001.

L-att dwar il-Protezzjoni tad-Data 2001 għadda fl-14 ta’ Diċembru 2001 u ġie kompletament fis-seħħ fil-15 ta’ Lulju 2003. Għalhekk aħna għandna dmir legali biex nirrispettaw u nipproteġu kwalunkwe nformazzjoni personali li niġbru mingħandkom u dan id-dmir nirrispettawh. Nieħdu s-salvagwardi kollha neċċessarji biex nipprevjenu aċċess mhux awtorizzat u ma ngħaddux id-dettalji miġbura mingħandkom bħala viżitaturi, lil terzi persuni jew Dipartiment tal-Gvern sakemm intom ma tagħtuniex il-kunsens tagħkom.

Bħala regola ġenerali, meta żżuru s-sit tagħna, il-Kunsill Lokali tal-Fontana ma jiġborx informazzjoni ta’ identita’ personali dwarkhom sakemm ma tagħżlux li tipprovdu kwalunkwe informazzjoni lilna. L-informazzjoni li nirċievu tiddependi fuq dak li tagħmlu meta żżuru s-sit tagħna.

Jekk tiddentifikaw lilkom infuskom billi tibagħu ‘e-mail’ li tinkludi l-informazzjoni personali :
Intom tistgħu wkoll tiddeċiedu li tibagħtu nformazzjoni ta’ identita’ personali, bħala eżempju, l-indirizz tagħkom, b’messaġġ elektroniku li fiħ titolbu biex l-informazzjoni tiġi mibgħuta lilkom. Informazzjoni li tiġi miġbura b’dan il-mod hi użata biss biex nirrispondu għal talbiet ta’ informazzjoni jew rekords. Il-messaġġ tiegħek jista’ jiġi mgħoddi lil xi ħaddiema oħra tal-Gvern li huma iżjed fil-pożizjoni li jirrisponduk.

Links ma’ siti oħra barra mill-Kunsill Lokali tal-Fontana:
Is-Sit tagħna għandu numru ta’ links għal siti oħrajn. Meta tagħmel link għal dawn is-siti, inti m’għadekx fis-sit tagħna u ssir suġġett għall-politika privata tas-sit il-ġdid.